Beharbada, honako hau galdetu diozu zeure buruari: Zer harreman dauka nire enpresak familia-ingurunean mendekoak zaintzeko fenomenoarekin?

Bada, uste baino askoz ere lotura handiagoa dauka.

Litekeena da zure langileren baten familian mendekotasuna daukan eta zaintza behar duen norbait egotea.

• Izan ere, mendekoen % 3,4 soilik daude ekipamendu soziosanitario publiko edo kolektiboetan sartuta. Gainerakoak etxean bizi dira, eta senideek ematen diete arreta.
• Hori dela-eta, euskaldunen % 8 baino gehiago etxeko zaintzaile informalak dira.
• Bada, 45 eta 65 urte arteko emakumeak dira zaintzaile horien % 60, eta ehuneko handi bat (Araban, % 69) jardunean dauden pertsonak dira, lan profesionala eta zaintzaile-lana uztartzen saiatzen direnak.
• Zaintza-lanetan aritzen diren gehienek, gainera, laguntza egokia jaso ezean, osasun fisiko eta psikikoko arazoak izango dituzte, laneko bajak eragingo dituzten arazoak.
• Oraindik gertatu ez bada, etorkizunean mendekotasuna duen senide bati arreta eman behar izateko aukera handia dugu. Proiekzio demografikoek halaxe berresten dute.

Zure gizarte-erantzukizun korporatiboa berehalako onurak eragiten dituen eremu hurbil eta praktiko baterantz (zaintzaren eta mendekotasunaren eremurantz) bideratzeko aukera duzu: horrela, lana eta familia bateragarri egiten lagunduko duzu.

Horretarako, bi lankidetza-eredu dauzkagu:

1. Enpresa lagunak: unean-unean laguntzen diote ASCUDEANi, kasuan-kasuan egokitzat jotzen duten ekarpena eginez.
2. Enpresa babesleak: elkarteari urteko kuota finko bat emateko konpromisoa hartzen dute.

Zer eskaintzen diegu enpresei ‘bueltan’?

• ASCUDEANi egindako ekarpen eta dohaintza guztiak onura publikokotzat jotako elkarteei eta gobernuz kanpoko erakundeei egindako dohaintzengatik eta bestelako ekarpenengatik ken daitezke.
• Informazio gardena eta kontuak eraginkortasunez ematea
• Jasotako ekarpenaren helburuaren urteko memoria
• Errekonozimendu publikoa elkartearen ekitaldiak ospatzean
• Informazio-hitzaldiak enpresetan